حکمران اقتدار بچانے اور اپوزیشن حصول اقتدار کے چکروں سے نکل کر عالمی سطح پر انبیاء کرام کی توہین کو روکنے کیلئے کردار ادا کریں
راولپنڈی (پ۔ر) جماعت اہل سنت پاکستان کے مرکزی سیکرٹری جنرل علامہ سید ریاض حسین شاہ نے گستاخانہ فلم کے خلاف احتجاج جاری رکھنے اور عالمی سطح پر تحریک تحفظ نامو س رسالت چلانے کا اعلان کرتے ہوئے کہا ہے کہ حکمران اقتدار بچانے اور اپوزیشن حصول اقتدار کے چکروں سے نکل کر عالمی سطح پر انبیاء کرام کی توہین کو روکنے کیلئے کردار ادا کریں امن مارچ اور لانگ مارچ کرنے والے تحفظ ناموس مصطفیﷺ کیلئے آواز بلند کریںاور حکمران امریکی سفیر کو طلب کرکے توہین آمیز فلم کے خلاف احتجاج ریکارڈ کرائیںاس ضمن میں مصلحتوں سے بالا تر ہوکر عملی اقدامات کئے جائیں او آئی سی کا سربراہی اجلاس بلا کر متفقہ طورہر لائحہ عمل کا اعلان کیا جائے او ٓئی سی کی خاموشی مجرمانہ ہے۔ توہین آمیز فلم کے خلاف لیبک یارسول اللہﷺ لانگ مارچ ریفرنڈم تھا جس میں راولپنڈی سے کراچی تک عاشقان رسول ﷺ نے فیصلہ دیا کہ توہین رسالت کسی بھی صورت برداشت نہیں کی جائے گی اور ناموس رسالت پر جانیں قربان کرنے کو تیار ہیں۔ ان خیالات کا اظہار انھوں نے گزشتہ شب ملاقات کیلئے آئے ہوئے علماء کرام کے مختلف وفود سے گفتگو کرتے ہوئے کیا علامہ سیدریاض حسین شاہ نے کہ کوئی بھی مسلمان رسول پاکﷺ کی شان اقدس میں ذرا بھر گستاخی برداشت نہیں کرسکتا اور ناموس مصطفیﷺ پر اپنی جان تک قربان کردینا سعادت سمجھتا ہے مغرب عالمی سطح پر اسلام کی تیزی سے بڑھتی ہوئی مقبولیت سے خائف ہوکر اسلام کے خلاف سازشوں کا جال بچھا رہا ہے۔ انھوں نے کہا کہ مغرب جو مادر پدر آزاد معاشرہ ہے وہاں اخلاقی اقدار تباہ ہوچکی ہے ان سے کوئی خیر کی توقع نہیں آج ضرورت اس امر کی ہے کہ مسلم حکمران اور پوری امت مسلمہ رسول پاک ﷺ سے رشتہ مضبوط کرے آپ ﷺ کی اتباع ہی دنیا و آخرت میں کامیابی کی ضمانت ہے۔ علامہ سید ریاض حسین شاہ نے کہا کہ مسلم ممالک کے حکمران امریکہ کے سامنے جھکنے کے بجائے دہلیز مصطفیﷺ پر سر جھکائیں تو کامیابی ان کے قدم چومے گی توہین آمیز فلم بنانے اور اس کی نمائش کرنے والوں نے عالمی سطح پر گھنائونی دہشت گردی کرتے ہوئے دنیا کو اپنامکروہ چہرہ دکھایا ہے نبی کریم ﷺ کی شان اقدس خود اللہ تعالی نے بلند کی ہے اور اللہ اپنے پاک نبی ﷺ کے دشمنوں کو کبھی معاف نہیں کرتا۔ علامہ سید ریاض حسین شاہ نے کہا کہ مسلم ممالک کے حکمران اپنے اپنے ممالک میں امریکی سفیروں کو طلب کر کے جرات مندانہ ا نداز میں احتجاج ریکارڈ کرائیں اور اس مسئلہ کو عالمی سطح پر اٹھایا جائے انھوں نے کہا کہ توہین آمیز فلم کے خلاف ہم دنیا بھر میں احتجاج جاری رکھیں گے اور عالمی سطح پر تحریک تحفظ نامو س رسالت چلائی جائے گی۔
